មហាសេដ្ឋីចិន លោក Chen Sheng បានផ្ដល់ប្រាក់រង្វាន់សរុបរហូតដល់ទៅ ១០លានយ័ន (ជាង ១,៤លានដុល្លារ) ទៅកាន់គូប្រជែងរូបណា ដែលអាចវ៉ៃឈ្នះអ្នកប្រដាល់ MMA ឈ្មោះ Xu Xiaodong។
អ្នកប្រដាល់ MMA ឈ្មោះ Xu Xiaodong និង អ្នកហាត់ក្បាច់គុន Tai Chi ចិន ឈ្មោះ Wei Lei
អ្នកប្រដាល់ MMA វ័យ៣៨ឆ្នាំ បានប្រកាសក្ដែងៗ កាលពីដើមសប្ដាហ៍នេះ ដើម្បីប្រកួតជាមួយអ្នកហាត់ក្បាច់គុនចិន ដែលជឿជាក់ថាពួកគេ អាចវ៉ៃឈ្នះខ្លួន បន្ទាប់ពីអ្នកប្រដាល់រូបនេះ បានបង្ក្រាបអ្នកហាត់ក្បាច់គុន Tai Chi ចិន ឈ្មោះ Wei Lei ក្នុងរយៈពេលត្រឹមតែ ១០វិនាទីប៉ុណ្ណោះ នៅក្នុងទីក្រុង Chengdu ខេត្ត Sichuan។
អ្នកប្រដាល់ MMA ឈ្មោះ Xu Xiaodong
មិនតែប៉ុណ្ណោះ អ្នកប្រដាល់ MMA ខាងលើ ថែមទាំងបានអួតអាងថា លោកអាចវ៉ៃអ្នកហាត់ក្បាច់គុនចិន ២ ឬ ៣នាក់ ក្នុងពេលតែមួយទៀតផង ដើម្បីបង្ហាញពិភពលោកថា ពួកគេ (អ្នកហាត់ក្បាច់គុនចិន) គ្រាន់តែក្លែងបន្លំប៉ុណ្ណោះ។
លោក Chen ដែលជាស្ថាបនិកនៃក្រុមហ៊ុនភេសជ្ជៈ «Tiandi No. 1» បានផ្ដល់កម្លាំងចិត្តដល់អ្នកហាត់ក្បាច់គុនចិន ដោយផ្ដល់ជូននូវប្រាក់រង្វាន់ ដែលនឹងត្រូវបែងចែកជា៥ប្រកួត ចំពោះអ្នកហាត់ក្បាច់គុនចិននៅទូទាំងប្រទេស ដែលស្ម័គ្រចិត្តប្រកួតជាមួយ លោក Xu។
មហាសេដ្ឋីចិន លោក Chen Sheng
អ្នកឈ្នះនៃការប្រកួតនិមួយៗ នឹងទទួលបានប្រាក់រង្វាន់ ១,៥លានយ័ន (២១៨ ០០០ដុល្លារ) ខណៈអ្នកចាញ់នឹងទទួលបាន ៥០០ ០០០យ័ន (៧២ ០០០ដុល្លារ)។ លោក Chen បាននិយាយថា «ខ្ញុំចង់ឲ្យ លោក Xu យល់... លោកបានប្រើវិធីហួសហេតុពេកហើយ ក្នុងការបង្ខូចវប្បធម៌ប្រពៃណីចិន ហើយលោកនឹងត្រូវសង នូវអ្វីដែលលោកបានធ្វើ»៕
ខាងក្រោមនេះ គឺជាវីដេអូប្រកួតរវាង អ្នកប្រដាល់ MMA ឈ្មោះ Xu Xiaodong និង អ្នកហាត់ក្បាច់គុន Tai Chi ចិន ឈ្មោះ Wei Lei៖
Post a Comment