ម្យ៉ាងវិញទៀត ការបង្កាត់ភ្លើងស្នេហ៍ក្នុងពេលមានផ្ទៃពោះពិតជាល្អទាំងចំពោះម្តាយ និងកូន។ មូលហេតុនោះគឺថា វាអាចជួយឱ្យអ្នកគេងលក់ស្រួល អាចរក្សា និងកាត់បន្ថយសម្ពាធឈាម ព្រមទាំងធ្វើឱ្យអ្នកមានក្តីសុខពេលអារម្មណ៍រវើរវាយគ្រប់ពេល។
ខាងក្រោមនេះជាអត្ថប្រយោជន៍ដ៏អស្ចារ្យបានពីការរួមភេទក្នុងកំឡុងពេលស្ត្រីមានគភ៌៖
សម្រេចទឹកកាមបានខ្លាំង
ស្ត្រីមានផ្ទៃពោះបង្កើនការផលិតអរម៉ូន ២ប្រភេទក្នុងរាងកាយឈ្មោះថា អរម៉ូនអឺសស្ត្រូសែន និងប្រូហ្គេស្តេរ៉ូន។ ដូច្នេះ នៅពេលអរម៉ូនទាំងនេះត្រូវបានផលិតឡើងដោយរាងកាយ លំហូរឈាមនឹងកាន់តែច្រើនឡើងបញ្ជូនទៅឱ្យអាងត្រគាក ធ្វើឱ្យស្ត្រីមានអារម្មណ៍ពុះកញ្ជ្រោលខ្លាំងឡើង។
ជួយរក្សាទម្ងន់
ការបង្កាត់ភ្លើងស្នេហ៍នឹងជួយសម្រកទម្ងន់អ្នក មិនថាអ្នកមានផ្ទៃពោះ ឬគ្មានឡើយ។ វាជាលំហាត់ប្រាណដ៏ល្អបំផុត ហើយការរួមភេទទៀងទាត់ក្នុងកំឡុងពេលមានផ្ទៃពោះ អាចជួយឱ្យស្ត្រីគេចផុតពីបញ្ហាខ្លាញ់ក្បាលពោះ។
បំបាត់ការឈឺចាប់
ការរួមភេទអាចជួយបំបាត់ការឈឺចាប់ណាមួយ ដែលវេជ្ជបណ្ឌិតមិនអនុញាតិឱ្យប្រើថ្នាំ។ វាជាឱសថធម្មជាតិបំបាត់ការឈឺចាប់យ៉ាងសក្តិសិទ្ធិ។
បង្កើនភាពស៊ាំ
ជាធម្មតា ស្ត្រីមានផ្ទៃពោះតែងតែជួបបញ្ហាភាពស៊ាំ។ តែទោះបីជាយ៉ាងណា ការរួមភេទអាចជួយបង្កើនកម្រិតប្រូតេអ៊ីនអង់ទីគ័រក្នុងរាងកាយ ដែលជម្រុញដល់ប្រព័ន្ធភាពស៊ាំ និងបំបាត់អាការៈផ្តាសាយ។
លែងមានអារម្មណ៍ប្រែប្រួល
ការសម្រេចទឹកកាមនឹងបញ្ចេញអរម៉ូនអង់ដូភីន ដែលធ្វើឱ្យម្តាយ និងកូនរីករាយ ស្រួលខ្លួន។ ដូច្នេះ រួមភេទជាមួយគូស្នេហ៍អ្នកឱ្យបានញឹកញាប់។
ចូលបន្ទប់ទឹកតិច
ស្ត្រីមានផ្ទៃពោះតែងតែចូលបន្ទប់ទឹកញឹកញាប់។ ក្នុងពេលបង្កាត់ភ្លើងស្នេហ៍ សាច់ដុំអាងត្រគាកកាន់តែរឹងមាំឡើង ហើយក៏ធ្វើឱ្យសាច់ដុំស្បូនរឹងមាំដូចគ្នា ហេតុនេះធ្វើឱ្យស្ត្រីចូលបន្ទប់ទឹកតិចជាងមុន។
ពង្រឹងចរាចរណ៍ឈាម
វាជារឿងមួយធម្មតាទេ ដែលស្ត្រីមានគភ៌មានអារម្មណ៍ខ្ជិល និងអស់កម្លាំង។ តែទោះបីជាយ៉ាងណា ការរួមភេទនឹងជួយបង្កើនមុខងាររាងកាយ បញ្ចេញអរម៉ូន ហើយក៏ជួយសម្រួលចរាចរណ៍ឈាម ជួយឱ្យទារកលូតលាស់បានល្អ។
ចៀសផុតពីជំងឺផ្សេងៗ
ការបង្កាត់ភ្លើងស្នេហ៍អាចជួយការពារស្ត្រីមានផ្ទៃពោះពីជំងឺជាច្រើន ជាពិសេសជំងឺព្រាយក្រឡាភ្លើង៕